Pódcast | O teu móbil escóitate? Estas son as tecnoloxías que hai detrás dos teus dispositivos

Seguro que non é a primeira vez que despois de manter unha conversación cos teus amigos, familiares ou compañeiros de traballo, as túas redes sociais énchense de anuncios daquilo do que falaches. Dá igual que sexan viaxes, mobles ou gastronomía. Aínda que isto suscita certa inquedanza nos usuarios, o investigador de atlanTTic Juan José López Escobar di que non hai motivo para asustarse. Ao usar redes sociais e aplicacións estamos cedendo unha boa parte dos nosos datos, polo que é de aí de onde sacan a información. Todo isto funciona ao abeiro da Internet das Cousas (IoT, polas súas siglas en inglés), un proceso mediante o que os dispositivos de uso cotiá se conectan á rede para transferir datos.

Analizamos este concepto en profundidade en O teu móbil escóitate? Estas son as tecnoloxías que hai detrás dos teus dispositivos, un novo episodio de pódcast de GCiencia en colaboración con atlanTTic, o Centro de Investigación en Tecnoloxías de Telecomunicación da Universidade de Vigo. Da man de López Escobar, analizaremos os riscos e beneficios da IoT, como debemos protexernos como usuarios ante os perigos da rede pero tamén como este proceso de conectividade entre dispositivos mellorar a nosa vida e, probablemente, a seguirá mellorando de cara ao futuro.

Episodio realizado por Laura Filloy

Edición: Carlos Tresandí

Escóitao nas plataformas de pódcast: Spreaker, Spotify, Ivoox, iHeart, Deezer, Podcast Addict, JioSaavn e Podchaser.