Martes 28 Novembro 2023

Pódcast | O CIM desvela por que o espertar sexual dos bocartes afecta as correntes oceánicas

Falamos coa investigadora Beatriz Mouriño, que lidera o equipo que gañou o IG Nobel de Física polo seu estudo sobre o sexo das anchoas

Estreamos o primeiro episodio de Todas as correntes levan ao CIM, un pódcast de GCiencia en colaboración co Centro de Investigación Mariña (CIM) da Universidade de Vigo para afondar coa sociedade no coñecemento do mar. Neste primeiro capítulo, a ‘Corrente I’, falaremos da biodiversidade e servizos ecosistémicos coa investigadora Beatriz Mouriño, que lidera o equipo que gañou o IG Nobel de Física polo estudo sobre o sexo das anchoas.

A diversidade biolóxica xoga un papel moi importante na capacidade dos ecosistemas mariños para regular o clima e manter o equilibrio. Polo tanto, o coñecemento da estrutura e dinámica das comunidades mariñas son clave para o aproveitamento sostible dos ecosistemas. Desta maneira, o CIM enfoca parte dos seus estudos nesta corrente ou ámbito, estudando ata como o mínimo cambio pode ter grandes repercusións no medio ambiente. Porque… quen podería imaxinar que o espertar sexual dos bocartes ía esperar o noso interese?

Así foi cando o mundo mirou para Vigo. O galardón que recibiu o equipo do CIM foi a demostración do interés que pode ter un estudo máis alá da comunidade científica e de como un resultado obtido por casualidade poder ser de gran importancia. A investigación revela que os peixes contribúen á produción de turbulencia e mestura oceánica nas rexións costeiras, polo que o papel que xogan na distribución de calor, nutrientes e osíxeno é máis importante do que se pensaba. Os medios de comunicación falaron de como o espertar sexual dos bocartes afectaba as correntes oceánicas e que, polo tanto, a produción de turbulencias nas noites provocada polos peixes, ía ter consecuencias.


Episodio realizado por Víctor López

Edición: Carlos Tresandí


Escóitao nas plataformas de pódcast: SpreakerSpotifyIvooxiHeartDeezerPodcast AddictJioSaavn e Podchaser.

1 comentario

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Máis de 600 persoas mergúllanse na ciencia mariña do CIM

Os obradoiros, as visitas guiadas e os paseos divulgativos en barco tiñan como obxectivo achegar ao público o traballo que realiza o persoal investigador
00:02:51

As mariscadoras pensan en abandonar o mar: o marisco non medra ou morre

As rías experimentan unha caída da produción derivada da sobreexplotación e o cambio climático. Nas últimas semanas a situación agravouse polas riadas

A borrasca Domingos bate o récord de altura significante de onda de Portos do Estado

A boia de Estaca de Bares na Coruña rexistrou 13,95 metros (Hs) o sábado 4 de novembro, o que representa a media da terceira parte das ondas máis altas

A imaxe desoladora do marisco morto en Noia e Rianxo: a borrasca Domingos arrasa toneladas de bivalvo

As praias de Testal e A Torre protagonizan outro episodio de mortandade nun contexto de caída en picado da produción