Únete á nosa canle de Whatsapp
Desde fai algo máis dunha semana, os días están a diminuír na latitude na que se atopa Galicia. Despois de que arredor do solsticio de verán, a inclinación no eixe da Terra provocase, como todos os anos, que anoitecese antes no Río de Janeiro ca na costa galega, este 8 de xullo ao mediodía produciuse un feito pouco habitual no planeta.
Arredor das 11.15 UTC (tempo universal coordinado), que no horario de verán se corresponden coas 13.15 na hora central europea, o Sol alumeaba a arredor do 99% da poboación mundial. A noite caeu en practicamente todo o Océano Pacífico, e apenas quedaban na escuridade en terra firme a meirande parte de Oceanía, a illa de Nova Guinea e a parte oriental de Indonesia, alén doutros arquipélagos pertencentes a diversos países.
Deste xeito, mentres que os últimos raios do solpor despedían o día no Xapón, Filipinas ou Indonesia, as primeiras raiolas do día emerxían na costa oeste dos Estados Unidos. A situación xa se está a producir desde o solsticio, pero foi hoxe cando nas redes sociais e en foros como Reddit se destacou esta curiosidade.
Each 8th of July, at 11:15 UTC, 99% of the world's population is experiencing daylight. This day should have a name, and it should be a holiday. pic.twitter.com/4BcDS4MHKy
— The Decolonial Atlas (@decolonialatlas) July 7, 2021
Este acontecemento pode constatarse ao observar o mapa da densidade de poboación no mundo, unha visualización desenvolvida polo experto Alasdair Rae. Podes vela a maior resolución nesta ligazón.
