A galaxia espiral dun brazo NGC 4725

Explicación: mentres que a maioría das galaxias espirais, incluíndo a nosa propia Vía Láctea, teñen dous ou máis brazos espirais, NGC 4725 ten só un. Nesta definida imaxe composta en cor, a única spira mirabilis semella envolver un destacado anel de cúmulos de estrelas azuis recén nadas e rexións de formación estelar tinguidas de vermello. A estraña galaxia tamén amosa corredores de po escuro e unha estrutura de barra central amarelada composta dunha poboación máis vella de estrelas. NGC 4725 ten uns 100 milleiros de anos luz de diámetro e atópase a 41 millóns de anos luz de distancia na enfeitada constelación Coma Berenices. As simulacións informáticas da formación do único brazo espiral suxiren que poden ser brazos dianteiros ou de cola con respecto á rotación global da galaxia. Tamén incluída no cadro amósase unha galaxia espiral máis tradicional  que está máis afastada no fondo.